ಭಾರೀ‌ ಮಳೆ‌ ಸುರಿಯುವ ಸಾಧ್ಯತೆ:‌ ದ.ಕ.ದಲ್ಲಿ ಯಲ್ಲೋ ಅಲರ್ಟ್: ಅರಬ್ಬೀ ಸಮುದ್ರದಲ್ಲಿ ಸುಳಿಗಾಳಿ

ಮಂಗಳೂರು: ರಾಜ್ಯದಲ್ಲಿ ಮೇ‌ 5ರಿಂದ 7ರವರೆಗೆ ಮಳೆ‌ ಸುರಿಯುವ ಸಾಧ್ಯತೆಯಿದ್ದು, ದ.ಕ., ಉಡುಪಿ, ಉ.ಕ. ಜಿಲ್ಲೆಗಳಲ್ಲಿ ಯೆಲ್ಲೋ ಅಲರ್ಟ್ ಘೋಷಿಸಲಾಗಿದೆ.

ಮಳೆ ಸುರಿಯುವ ಕುರಿತು ‌ಹವಮಾನ ಇಲಾಖೆ ಮುನ್ಸೂಚನೆ‌ ನೀಡಿದ್ದು, ಅರಬ್ಬೀ ಸಮುದ್ರದಲ್ಲಿ ಉಂಟಾಗಿರುವ ಸುಳಿಗಾಳಿಯಿಂದ ರಾಜ್ಯದ ಹಲವೆಡೆ‌ ಗುಡುಗು, ಮಿಂಚು ಸಹಿತ ಮಳೆ ಸುರಿಯುವ ಸಾಧ್ಯತೆಯಿದೆ. ಮೇ 5ರಿಂದ 7ರವರೆಗೆ ದ.ಕ., ಉಡುಪಿ ಹಾಗೂ ಉತ್ತರ ಕನ್ನಡ ಜಿಲ್ಲೆಗಳಲ್ಲಿ ಯೆಲ್ಲೋ ಅಲರ್ಟ್‌ ಘೋಷಿಸಲಾಗಿದೆ.