ಬೆಳ್ತಂಗಡಿ ಬಿಷಪ್ ಹೌಸ್ ನಿಂದ ಆಹಾರ ಕಿಟ್ ವಿತರಣೆ

ಬೆಳ್ತಂಗಡಿ: ಬೆಳ್ತಂಗಡಿ ಪಟ್ಟಣ ಪಂಚಾಯಿತಿ ವ್ಯಾಪ್ತಿಯ ಸೀಲ್ ಡೌನ್ ಪ್ರದೇಶ ಸುಧೇಮುಗೇರು ಪ್ರದೇಶದ 25 ಮನೆಗಳಿಗೆ ಬೆಳ್ತಂಗಡಿ ಬಿಷಪ್ ಹೌಸ್ ವತಿಯಿಂದ ಆಹಾರ ಕಿಟ್ ವಿತರಿಸಲಾಯಿತು.

ಬೆಳ್ತಂಗಡಿ ಧರ್ಮಪ್ರಾಂತ್ಯದ ಧರ್ಮಾಧ್ಯಕ್ಷರಾದ ಬಿಷಪ್ ಡಾ.ಲಾರೆನ್ಸ್ ಮುಕ್ಕುಯಿ ಅವರ ಮಾರ್ಗದರ್ಶನದಲ್ಲಿ ಇಲ್ಲಿನ 24 ಮನೆಗಳಿಗೆ ಹಾಗೂ ಈ ಭಾಗದ ಓರ್ವ ಪೌರ ಕಾರ್ಮಿಕ ಸೇರಿ ಒಟ್ಟು 25 ಮನೆಗಳಿಗೆ ತಲಾ 10 ಕೆಜಿ ಅಕ್ಕಿ, 6 ತೆಂಗಿನಕಾಯಿ, ದಿನಬಳಕೆ ಸಾಮಾಗ್ರಿಯನ್ನು ವಿತರಿಸಲಾಯಿತು.

ಈ ಸಂದರ್ಭ ಬಿಷಪ್ ಹೌಸ್ ನಿಂದ ಫಾ. ಅಬ್ರಾಹಂ ಪಟ್ಟೆರಿಲ್, ಫಾ. ಲಾರೆನ್ಸ್ ಪಿ.ವಿ., ಫಾ. ಬಿನೋಯ್ ಎ.ಜೆ., ಪಟ್ಟಣ ಪಂಚಾಯಿತಿ ಸದಸ್ಯ ಜಗದೀಶ್ ಡಿ‌, ಸ್ಥಳೀಯರಾದ ಅಜಯ್ ಎ.ಜೆ., ಕಿಶೋರ್, ಉಮೇಶ್ ಮೊದಲಾದವರು ಇದ್ದರು.