ಹಿರಿಯ ಸ್ವಾತಂತ್ರ್ಯ ಹೋರಾಟಗಾರ ಭೋಜರಾಜ ಹೆಗ್ಡೆ ನಿಧನ. ಅಂತ್ಯ ಸಂಸ್ಕಾರ ಸರ್ಕಾರಿ ಗೌರವದೊಂದಿಗೆ ನಡೆಯಲಿದೆ: ಶಾಸಕ ಹರೀಶ್ ಪೂಂಜ‌

 

 

 

 

ಬೆಳ್ತಂಗಡಿ:  ತಾಲೂಕಿನ ಹಿರಿಯ ಸ್ವಾತಂತ್ರ್ಯ ಹೋರಾಟಗಾರ  ಪಡಂಗಡಿ ಭೋಜರಾಜ ಹೆಗ್ಡೆಯವರು ನ 09 ಮಂಗಳವಾರ ಸಂಜೆ  ಪಡಂಗಡಿ ಸ್ವಗೃಹದಲ್ಲಿ ವಿಧಿವಶರಾಗಿದ್ದು. ಅವರ ಅಂತ್ಯ ಕ್ರಿಯೆ  ಸರ್ಕಾರಿ ಗೌರವಗಳೊಂದಿಗೆ  ನ 10 ಬುಧವಾರ  ನಡೆಯಲಿದೆ ಎಂದು ಶಾಸಕ ಹರೀಶ್ ಪೂಂಜ ತಿಳಿಸಿದ್ದಾರೆ  ಎಂದು ಶಾಸಕರ ಕಚೇರಿ ಶ್ರಮಿಕದಿಂದ ಮಾಹಿತಿ ಬಂದಿದೆ. ತಾಲೂಕಿನ ಹಿರಿಯ ಏಕೈಕ ಸ್ವಾತಂತ್ರ್ಯ ಹೋರಾಟಗಾರರ ಅಂತಿಮವಿಧಿವಿಧಾನಗಳು ಗೌರವಯುತವಾಗಿ ನಡೆಯಬೇಕು ಎಂಬ ನಿಟ್ಟಿನಲ್ಲಿ ಈ ಬಗ್ಗೆ ಶಾಸಕ ಹರೀಶ್ ಪೂಂಜ ಅವರು ಮುಖ್ಯಮಂತ್ರಿ ಬಸವರಾಜ ಬೊಮ್ಮಾಯಿ, ಉಸ್ತುವಾರಿ ಸಚಿವ ಕೋಟ ಶ್ರೀನಿವಾಸ ಪೂಜಾರಿ ಹಾಗೂ ಸಂಸದ ನಳೀನ್ ಕುಮಾರ್ ಕಟೀಲ್ ಅವರಲ್ಲಿ ಮಾತುಕತೆ ನಡೆಸಿ  ಮನವಿ ಮಾಡಿದ್ದು ಶಾಸಕರ ಮನವಿಯಂತೆ  ಸರ್ಕಾರಿ ಗೌರವಗಳೊಂದಿಗೆ ಅಂತ್ಯ ಕ್ರಿಯೆ   ನಡೆಯಲಿದೆ ಎಂದು ತಿಳಿದು ಬಂದಿದೆ.