ಬೆಳ್ತಂಗಡಿ. ಮಲೆಕುಡಿಯ ಸಮುದಾಯದ ಹಿರಿಯಜ್ಜಿ, ನಾವೂರು ಗ್ರಾಮದ, ಮಂಜಳ ನಿವಾಸಿ ಸಂಕಮ್ಮ ಡಿ.28ರಂದು ಸ್ವಗೃಹದಲ್ಲಿ ನಿಧನರಾದರು.
ಕುದುರೆಮುಖ ರಾಷ್ಟ್ರೀಯ ಉದ್ಯಾನವನ ವ್ಯಾಪ್ತಿ ಸೇರಿದಂತೆ ಇಡೀ ಮಲೆಕುಡಿಯ ಸಮುದಾಯದಲ್ಲಿಯೇ ಹಿರಿಯಜ್ಜಿ ಎಂಬ ಹೆಗ್ಗಳಿಕೆ ಇವರದಾಗಿದ್ದು 108 ವರ್ಷದಲ್ಲಿ ಶತಾಯುಷಿಯಾಗಿ ಕೊನೆಯುಸಿರೆಳೆದಿದ್ದಾರೆ.
4 ಗಂಡು ಮಕ್ಕಳಾದ ಗಿರಿಯಪ್ಪ ಮಲೆಕುಡಿಯ , ರುಕ್ಮಯ್ಯ ಮಲೆಕುಡಿಯ , ಡಾಕಯ್ಯ ಮಲೆಕುಡಿಯ , ನೋಣಯ್ಯ ಮಲೆಕುಡಿಯ ,3 ಹೆಣ್ಣು ಮಕ್ಕಳಾದ ಚಿನ್ನಮ್ಮ , ಸೇಸಮ್ಮ , ರತ್ನ ಮತ್ತು 21 ಮೊಮ್ಮಕ್ಕಳು , 6 ಜನ ಮರಿಮಕ್ಕಳು ಸೇರಿದಂತೆ ಅಪಾರ ಸಂಖ್ಯೆಯ ಬಂಧುಬಳಗವನ್ನು ಅಗಲಿದ್ದಾರೆ. ಕರ್ನಾಟಕ ಆದಿವಾಸಿ ಹಕ್ಕುಗಳ ಸಮನ್ವಯ ಸಮಿತಿ ಪ್ರಧಾನ ಕಾರ್ಯದರ್ಶಿ ಜಯಾನಂದ ಪಿಲಿಕಲ ಮೃತರ ಮನೆಗೆ ತೆರಳಿ ಸಂತಾಪ ಸೂಚಿಸಿದ್ದಾರೆ.