ಬೈಹುಲ್ಲಿನಲ್ಲಿ ಅಡಗಿದ್ದ ಬೃಹತ್ ಗಾತ್ರದ ಹೆಬ್ಬಾವು..! ಸುರಕ್ಷಿತವಾಗಿ ಸೆರೆ ಹಿಡಿದ ಕಾಲೇಜು ವಿದ್ಯಾರ್ಥಿ ಪ್ರೇಮ್ ಸಾಗರ್

 

 

 

ಬೆಳ್ತಂಗಡಿ: ಬೈಹುಲ್ಲಿನಲ್ಲಿ ಅಡಗಿದ್ದ ಬೃಹತ್ ಗಾತ್ರದ ಹೆಬ್ಬಾವನ್ನು ಕಾಲೇಜ್ ವಿದ್ಯಾರ್ಥಿಯೋರ್ವ ಹಿಡಿದು ಸುರಕ್ಷಿತವಾಗಿ ಕಾಡಿಗೆ ಬಿಟ್ಟಿದ್ದಾರೆ.

ಲಾಯಿಲ ಗ್ರಾಮದ  ಗಾಣದಕೊಟ್ಯ ಶೋಭಾ ಎಂಬವರ ಮನೆಯ ಬೈಹುಲ್ಲಿನಲ್ಲಿ ಸಂಜೆ 7.30 ರ ಸುಮಾರಿಗೆ ಹೆಬ್ಬಾವೊಂದು ಅವಿತ್ತಿದ್ದು, ಈ ಹಾವನ್ನು ಲಾಯಿಲ ಗ್ರಾಮದ ಪಡ್ಲಾಡಿ ನಿವಾಸಿ ಗುರುದೇವ ಕಾಲೇಜಿನ ವಿದ್ಯಾರ್ಥಿ ಪ್ರೇಮ್ ಸಾಗರ್ ಹಿಡಿದು ಸುರಕ್ಷಿತವಾಗಿ ಕಾಡಿಗೆ ಬಿಟ್ಟಿದ್ದಾರೆ.

ಉರಗ ಪ್ರೇಮಿ ಸ್ನೇಕ್ ಅಶೋಕ್ ಅವರಿಂದ ಹಾವು ಹಿಡಿಯುವ ಮಾಹಿತಿಗಳನ್ನು ಪಡೆದುಕೊಂಡು, ಈಗಾಗಲೇ ಹಲವಾರು ಹಾವುಗಳನ್ನು ಹಿಡಿದಿದ್ದಾರೆ. ಹಾವನ್ನು ರಕ್ಷಿಸುವಲ್ಲಿ ಪರಿಣಿತರಾಗಿದ್ದಾರೆ.